30. ágúst 2010 02:37

Nýjar myndir

Það eru komnar fullt af nýjum myndum á myndasíðuna. Þar má m.a. sjá myndir af afmælisveislu ágústmánaðar, sulluleik úti í góða veðrinu, leikið með útikubba og fleira.

Myndasafn má sjá með því að smella hér. 

25. ágúst 2010 02:12

Flokkun

 Á Regnboganum erum við farin að flokka það sem sumir myndu kalla rusl en við köllum efnivið.  Við söfnum saman efniviðnum sem kemur frá deildinni og eldhúsinu og flokkum það í endurvinnslukassa sem eru á deildinni.  Við skoðum hvað við getum notað aftur t.d. í listasmiðju, könnunarleikinn og útiveru en annað fer í endurvinnslutunnuna okkar.  Á deildinni flokkum við í fjóra kassa þ.e. pappír, plast, ál og fernur.  Börnin eru mjög áhugasöm og það koma fram ýmsar hugmyndir um endurnýtingu.

Einnig erum við farin að flokka lífrænan úrgang sem hænurnar borða ekki s.s. ávaxtahýði og kaffikorg og ætlum við að sjá hvað verður um hann eftir einhvern tíma.

25. ágúst 2010 02:05

Tékkar í heimsókn

 Síðustu daga hefur 20 manna hópur tékkneskra sveitarstjórnarmanna verið í heimsókn á Vesturlandi til að kynna sér vinnu sveitarfélaganna að umhverfismálum.  Hópurinn valdi að fá kynningu frá leikskólanum okkar um Grænfánaverkefnið með áherslu á umhverfið og útikennslu.  Viljum við þakka þeim fyrir komuna og þann áhuga sem þeir sýndu starfinu okkar.

Sjá myndir á myndasíðu.

19. ágúst 2010 01:39

Lækkun á gjaldskrá matargjalds

Á 92. fundi sveitarstjórnar Hvalfjarðarsveitar var samþykkt að lækka matargjald í Skýjaborg og Heiðarskóla um 50%. Lækkunin tekur gildi frá mánaðarmótum ágúst/september 2010.

11. ágúst 2010 08:42

Starfsfólk 2010 - 2011

Regnboginn:

Sara Margrét deildarstjóri

Magga Sigga

Inga Bryndís

Árdís

Dropinn:

Þórdís deildarstjóri

Hanna Gróa

Unnur Tedda

Guðrún

Matráður

Guðbjörg

11. ágúst 2010 08:03

Starfsdagur 20. ágúst.

Fyrsti starfsdagur skólaársins verður 20. ágúst næstkomandi og þá mun Inga Líndal leikskólastjóri Álfasteins í Hafnarfirði kynna fyrir okkur starf þeirra með áherslu á kubbastarf og könnunaraðferðina.

28. júlí 2010 07:47

Nýtt skólaár að hefjast

Nú fer sumarfríi að ljúka og hefjum við nýtt skólaár 4. ágúst næstkomandi. Þeir sem eiga eftir að sækja um vistun fyrir næsta skólaár eru hvattir til að gera það sem fyrst en hægt er að sækja um hér á vefsíðunni eða senda tölvupóst á skyjaborg@hvalfjardarsveit.is.

28. júlí 2010 07:32

Myndir frá afhendingu Grænfánans

2. júlí síðastliðinn fékk leikskólinn Grænfánann afhendann. Margt var um manninn og afhenti Katrín Jakopsdóttir mennta- og menningarmálaráðherra ásamt Orra Páli Jóhannssyni verkefnisstjóra Skóla á grænni grein leikskólanum 100. Grænfánann. Hér er hægt að sjá frétt á landvernd.is. Myndirnar eru í myndasafni eða smella hér.